Mizo.email thara Google Photos zawng zawng sawn dan

Mizo.email unlimited storage account i neih takah chuan i google account-a thlalak awm zawng zawng te chu suan luh nghal vek i duh chuan hetiang hian i ti dawn nia. A hmasain Google Photos app hawng la, veilam menu aṭangin Add partner account ah kal la, chutah chuan i account thar nangmah@mizo.email kha chhu lût ang che.

Google Photos app screenshot

I email thar i chhut luh veleh option thlan tur a lo awm ang a, thlalâk zawng zawng sawn kan duh avangin All photos kan thlang ang a, Next kan hmeh leh hnuah confirm-na tur a lo lang ang a, kan email chhut luh kha a dik leh dik loh kan check hnuah SEND INVITATION kan ti ang.

INVITATION i thawn hnuah Google Photos app close chuang lovin menu hawng leh la, a hnuaia screenshot ang hian account dropdown menu hmet la, Add account ah kalin i account thar nangmah@mizo.email kha add la, i email thar a in load zawh hnuah Invitation from… tih menu item a lo awm ang a, chumi chu i click hnuah invitation i ACCEPT ang.

Click add account

Invitation i ACCEPT hnu chuan automatic-in i account hlui zâwka thlalak awm ho te chu a lo lang ang a, mahse i account tharah a la in sawn lut lo ang. TURN ON AUTO SAVE tih lo lang i hmet leh ang a, chutah chuan All photos tih thlang lehin DONE i hmet ang a, DONE i tih zawh rualin thlalak te chu i account tharah a in transfer ṭan ang. Thlalak transfer zawh tawh ho chu thlalak-ah khan a hnuaia screenshot ami ang hian cloud upload sign lem a awm zel ang. Thlalak a tam deuh emaw i internet connection a muan deuh chuan cloud upload sign lang ve lem lo thlalak a awm thei a, chutiang anga a awm chuan Menu-ah kalin “Shared Library chhunga From…” tih kha click ṭhat leh mai tur a ni. Thlalak zawng zawng kan transfer duh loh pawhin thlalak duh ho chauh select chawpin a tih theih tho bawk.

Click to resync

Engkim tluang taka i account thara a in transfer zawh tawh chuan i duh leh i account hlui zawka thlalak awm te chu i paih vek thei a, nangma thu thu a ni e. Tin, unlimited storage i neih tawh miau avangin topic ni tawh chiah lo mahse nangma duhthlanna ngeia i thlalak thar leh videos te lo in backup zel tura i duh chuan Google Photos app-ah khan Backup & sync tih kha ON la, thlalak kha a ngai ang anga backup tir i duh chuan backup settings-ah Original i thlang dawn nia.

Thanks for reading!