Mizo.email chungchang (F.A.Q)

1. Mizo.email account ka nei tawh a, engtin nge ka login ang?
Mizo.email hi Google account tho anih avangin Google website hrang hrang Gmail, Drive, Photos, Docs etc. ah te a hman/login theih vek. Mobile phone-ah chuan ADD ACCOUNT tih aṭangin Google kan thlang ang a, chutah chuan nangmah@mizo.email kha add tur a ni.

2. Google account leh Mizo.email hi engnge a danglamna?
Google account-ah chuan storage space hi 15 GB a ni a, kan phone hman azirin space tih tamna promotion te awm mahse expire hun te a nei lehzel a. Tin, Google Local Guides Level 4 tlin hnua space an pêk belh ṭhin pawh tih tâwp a ni tawh bawk. Mizo.email account-ah thung chuan storage space hi unlimited a ni a, expire hun a nei ve lo.

3. Google account hrang hrang siam ṭeuh mai tur alawm!
Ni e, google account pakhat aia tam a siam theih teh meuh mai; 15 GB ṭheuh
sangpuia.1@gmail.com
sangpuia.2@gmail.com
sangpuia.3@gmail.com
te siama enkawl ai chuan unlimited space account sangpuia@mizo.email enkawl mai kha a awlsam zawk daih awm e!

4. Mizo.email account ka nei tawh a, engtin zel?
Account i neih tawh chuan login turin no.1 a sawi tawh ang khian i ti thei a. Password theihnghilh palh te a awm theih avangin i login veleh recovery email te, phone number te update nghal vek ang che. I phone-a thlalak leh videos te dah luh nghal i duh chuan “Mizo.email thara Google Photos zawng zawng sawn dan” tih hi chhiar la, google drive-ah file i transfer duh anih chuan “Mizo.email thara Google Drive files sawn dan” tih hi i chhiar bawk dawn nia.

5. Engnge Mizo.email ṭangkaina?
Ṭangkaina tam tak a awm awm e, chung zinga langsar ber chu Thlalâk leh phone video camera-a lâk dahṭhat nan a ni. Mobile phone kan tichhe palhin kan tibo palh thei a, google-ah lût zêl tura kan lo set anih chuan computer aṭangin emaw khawi hmun aṭang pawhin kan thlalâk lo dah tawhsa te chu kan hmu lêt leh thei vek dawn a ni. Computer-ah lo dahṭha vek pawh ni ila, computer chu khâwl thil chhe thei anih miau avangin Google-a dah chu a ngaihṭhat thlâk bik em em a ni.

6. Harsatna lo nei ta ila?
Harsatna i neih chuan support@mizo.email ah lo sawi la, facebook i hman chuan facebook-ah pawh biak theih ka ni.